Mainan Anak Jaman Old pas Bulan Ramadhan di Bukittinggi

Mainan Anak Jaman Old pas Bulan Ramadhan di Bukittinggi. Tiok urang pasti punyo cara  tersendiri untuak ngabuburit supayo manunggu waktu babuko ndak taraso. Ado yang ngaji, ka bengke, Stalking IG Mantan, dan lain-lain. Nah, kalo anak 90-an dulu ngabuburitnya manga se yo ? Cekidot!

1. Main Badia-badia Batuang.

Main badia batuang sampai kini masih ado di mainan di beberapa daerah di Indonesia, meskipun dak sarami dulu. Untuak mambuek Badia Batuang ko emang paralu keuletan serta pendampingan orang dewasa sanak. Salah-salah, bisa melatuih sadonyo. Biasonyo salapeh ashar, alah ngumpua di lapangan tu stel stel mainan dari batuang dan karbit ko.

Mainan Anak Jaman Old pas Bulan Ramadhan di Bukittinggi
Mainan Anak Jaman Old pas Bulan Ramadhan di Bukittinggi

2. Main Tamiya.

Kalau nan iko babeda jo badia tadi sanak, nan iko mainannyo labiah modern stek karna pakai dinamo samo batrai. Mini 4WD atau yang labiah akrab disabuik Tamiya, jadi mainan favorite dek sado anak Indonesia pado masonyo. Dari Magnum Saber, Sonic Saber, Spin Axe, sampai Broken G pasti sibuk melesat berdecit-decit di track tiok sore menjelang magrib di bulan puasa.

3. Main PlayStation di Rental.

Bisa dikecekan dulu yang punya PS cuma orang-orang kayo se. Alhasil, mayoritas bocah-bocah labiah banyak ngumpua di rental PS. Kalo sadang punyo pitih, bisa main baduo. Kalo sadang dak punyo pitih, ciek PS bisa pakai basamo-samo / bacarabuik. Banyak lo kasusnyo ko, ndak pas ngabuburit se doh, tapi waktu tarawih di bae lo buat main di rental PS. Jangan ditiru yo sanak~

4. Main Kalereang

Sasudah adzan ashar, Bocah-bocah ngumpua ko cari lawan. Kalo nan santiang lasuah, tibo baok 5 incek, pulang bisa baok 30 incek. kalau yang dak bisa main tapi pitihnyo banyak , yo santai-santai se. Kalah banyak tingga bali se liak~.

5. Main Bola Bekel

Permainan yang ciek ko biasanyo labiah akrab samo anak-anak cewek. Kalo yang cowok sibuk main kalereang di halaman, yang cewek-ceweknyo sibuk mengadu ketangkasan main bola bekel di teras rumah. Bisa jadi selingan sambia manolong gaek manyiapan kolak dan es buah untuak buko puaso

Itu nyo sanak mainan-mainan anak 90-an waktu ngabuburit versi damin.

Bagikan Sekarang!

Leave a Reply

Your email address will not be published. Required fields are marked *